Делта Брокер Кодекс на Етика

Кодексот на етика претставува основа на вредностите на Делта Брокер АД  Скопје и е важен елемент за напорите на организацијата при воспоставување и поддржување на највисоки стандарди на образование, интегритет и професионалност на своите вработени.

Високите етички стандарди се од клучно значење за одржување на довербата на јавноста во пазарот на финансии и инвеститорската професија. Непочитувањето на Кодексот на етика од страна на вработените претставува кршење на договорните и работни обврски. 

Вработените на Делта Брокер задолжително треба да:

1. дејствуваат со интегритет, надлежност, веродостојност, почит, етички однос кон јавноста, клиентите, потенцијалните клиенти, работодавците, вработените, колегите во дејноста, како и другите учесници во глобалните пазари на капитал;
2. го постават интегритетот на инвеститорската професија и интересите на клиентите пред сопствените лични интереси;
3. користат разумен степен на грижа и независно професионално расудување при спроведување на инвестициската анализа, подготвување инвестициски препораки, преземање инвестициски активности и вршење други професионални активности;
4. практикуваат и да ги поттикнуваат другите да практикуваат професионален и етички начин на работа, со што позитивно ќе придонесуваат за сопствениот и за кредибилитетот на професијата;
5. го промовираат интегритетот на пазарите на капитал и да ги почитуваат правила што ги регулираат истите;
6. одржуваат и да ја унапредуваат својата професионална надлежност и да се стремат кон одржување и унапредувањето на надлежностите на другите инвеститорски експерти.